Nakarekober ang MDRRMO Rescue volunteers Team 3 sa Balabac ng isang pares ng sapatos na hinihinala ngayon na pagmamay-ari ng isa sa limang (5) sakay ng nawawalang chopper ng PAMAS.
Ayon kay MDRRMO Chan Alsad, nitong Huwebes, March 2, 2023 bandang alas-tres ng hapon ay nakita ang sapatos sa pagitan ng “Pink Island” at Lumbucan Island sa Balabac.
Sa pagtatanong sa mga residente ng Mangsee, Balabac, ang sapatos ay nakita di umano nilang suot-suot ng Nurse na si JANELLE ADLER bago ito umalis ng Isla noong Miyerkoles.
Gayunpaman, wala pang kumpirmasyon mula sa pamilya ng Nurse na ito ay kanyang pagmamay-ari.
Kahapon, March 2, unang narekober ng Coastguard ang isang Gas tank habang narekober din ng MDR rescue volunteers’ team Mangsee ang isang unan na hinihinala rin na konektado sa nawawalang air ambulance ng PAMAS.
Sa ngayon, naka-standby ang rescue team para ituloy ang paghahanap sa mga nawawala.