Istriktong border control sa GenSan ipatuman na ning adlawa

EPEKTIBO ning adlawa, Mayo 3 ang istriktong pagpatuman sa border control sa GenSan subay sa pagpatuman sa Executive Order o E.O 21 nga gipagawas ni Mayor Ronnel Rivera adlawng Sabado.

Segun pa ni Atty. Arnel Zapatos, city administrator sa LGU-GenSan nga may duha ka adlaw nga information dessimination sa pagpahugot sa border sa syudad tungod sa nagkataas nga kaso sa COVID-19 sa region-12.

Apan gitino ni Zapatos nga tugutan gihapong makasulod ang mga essential workers ug kinahanglan lang nila magpakita og company ID ug contact tracing app sama sa TAPAT o CCTS tungod dili kinahanglang maapektohan usab ang ekonomiya.

Segun ni Zapatos, gihugtan ang border sa sea, land and air alang sa mga traveler nga usa sa gitumbok nga hinungdan sa pagtaas sa kaso sa COVID-19 sa region-12 ug human sa pakigtagbo sa mga mayor ug governor sa rehiyon.

Gitugutan usab ang mga Authorized Person Outside Residence gawas lang kung naggikan sa mga high risk areas nga kinahanglan magpakita og RT-PCR negative test result.

Photo: Richel Gubalani