Naitala sa 4.8 percent ang January 2023 unemployment rate, na mas mababa sa 6.4 percent outturn noong January 2022 at sa 5.3 percent noong January 2020 o pre-pandemic.
Ayon kay Finance Secretary Benjamin Diokno, na ang generally steady at low unemployment at underemployment rates simula noong pagtatapos ng 2022 ay sumasalamin sa patuloy na economic recovery ng bansa.
At para mapanatili umano ang naturang development, pinalalakas ng gobyerno ang job creation at productivity sa pamamagitan ng mataas na investments sa human capital development at public infrastructure.
Nabatid na mayroong 2.4 million unemployed individuals noong January 2023, na 19.6 percent o 580 thousand decline sa unemployed individuals kumpara noong January 2022.
Ang patuloy na pag-ganda sa labor market ay nakikitang total employment na 47.4 million, o katumbas sa karagdagang 4.1 million sa employment year-on-year (YoY). //MHEL PACIA-TRINIDAD