Japanese embassy, kinilala ang mabilis na aksyon ng DOJ sa deportation ng apat na pugante

Pinuri ng Japanese Embassy ang pamahalaan ng bansa dahil sa ‘constructive’ na pagtugon at kooperasyon ng mga ito sa naging deportation ng mga Japanese nationals na sangkot sa nakawan sa Japan.

Mababatid na nai-deport na ng bansa kahapon ang dalawa mula sa apat na mga Japanese fugitives na sina Toshiya Fujita and Kiyoto Imamura.

Bukod dito, inaasahan namang susunod na rin deportation ng dalawa pang hapon na sina Yuki Watanabe – na pinaghihinalaang mastermind, at si Kojima Tomonobu mamayang gabi.

Ito ay makaraang i-dismiss na ng Pasay Regional Trial Court Branch 109 ang mga pending cases nina Yuki Watanabe at Tomonobu Saito.

Kabilang pa sa mga pending case nito ay ang VAWC charges na inihain ng kaniyang dating Pilipinang asawa.

Kung maaalala, si Watanabe ay ang pinaniniwalaaang gumagamit ng alyas ‘Luffy’ at sinasabing lider ng kanilang robbery group.

Leave a Reply

Your email address will not be published. Required fields are marked *