Arestado ang isa ka jeepney driver matapos ginserbihan sang warrant of arrest sang mga kapulisan sa Brgy. Poblacion, Tapaz, Capiz takna 4:40 kahapon sang Miyerkules, Agosto 16.
Ginkilala ang akusado kay Jose Glen Casaria Gelilang, 42-anyos, residente sang Brgy. San Miguel, Tapaz apang temporaryo nga nagapuyo sa Ungka, Jaro, Iloilo City.
Nagapangatubang sang kaso nga pagpanghimulos si Gelilang.
Ang warrant of arrest ang gin-isyu kag ginpermahan ni Judge Lolita Contreras-Besana, RTC, 6th Judicial Region, Iloilo City napetsahan Setyembre 2, 2004.
Wala naman sang piyansa nga ginrekomendar ang korte sa iya temporaryo nga kahilwayan. Sa karon, nagapabilin sa kustodiya sang Tapaz PNP ang akusado para sa nagakaigo nga disposisyon. | Judy Ann Juare