Job vacancies para sa gigibuhong job fair sa banwaan kan Sto. Domingo, Albay sa aga, piglatag na

LEGAZPI CITY – Piglatag na kan gobyerno-lokal kan banwaan kan Sto. Domingo sa probinsiya kan Albay an mga job vacancies para sa gigibuhong job fair sa banwaan sa aga, petsa 24 kan Setyembre sa presenteng taon.

Sa anunsiyong ipinaluwas ni municipal councilor Clinton Chan, nagkapira sa mga trabahong pig-offer iyo an relief salesman, booking salesman, driver, warehouse helper, warehouse picker, warehouse checker, account managers, full stack developers, accountants, bookkeepers, social media assistant, asin kadakol pang iba.

Ini saro su boot na paagi kan gobyerno-probinsiyal kan Albay sa pangengenot ni Gobernador Noel Rosal asin an LGU sa pakikipagtabangan sa nagkapirang mga kompanya ngareg matabangan an mga residente kan banwaan na nawaran trabaho nin huli sa pandemya.

Segun sa konsehal, bukas an job fair para sa gabos na DomingueƱo na nangangaipuhan nin trabaho.

Gigibuhon an aktibidad puon alas-8 nin pagkaaga sundo alas-5 nin hapon sa aga sa Gabaldon Hall kan Sto. Domingo Central School.

Leave a Reply

Your email address will not be published.