Kabalaka nga dakpon ang driver nga dili magpamiyembro sa kooperatiba gipapha

GIANGKON sa nagpangalan Regie Gil Ergino, usa sa representante sa mga driver ug petitioner nga siya ang napalaw o disappointed sa gipahigayon nga consultative meeting nga gipatawag sa Committee on Transportation sa Sanguniang Panlungsod pagkahuman nga usa lang sa 15 ka mga pangutana niini sa iyang petition ang gitubag sa maong panagtigom.

Segon pa niini nga wala gipaminawan sa maong panagtigom ang kon pwede ba ma-estudyohan ang ilang molo gumikan sa consultative ang gipahigayon.

Dugang pa niini nga iyang namatikdan nga gusto gyud nga ipamugos sa maong tigom ang pagpatuman sa clustering sa mga traysikel pinaagi sa apple green, puti ug pula.

Gihingusgan niini nga dili siya pabor sa clustering gumikan kay sa iyang pagtuo i-link dayon kini sa kooperatiba bisan pa og moingon nga dili pinugsanay ang pagpamiyembro niini.

Samtang sa hisgotanan nga kinahanglan magpamiyembro sa kooperatiba ang mga nanag-iya og traysikel sa hangtod Oktubre 21, gikumpirma usab ni Ergino nga base didto sa maong panagtigom giluwatan ni Kagawad Dominador Lagare Jr. nga dili na mahitabo nga panakpon ang mga nagamaneho og traysikel nga dili miyembro sa kooperatiba. I Danny Casi