Gihupay sa Police Regional Office 10 ang kabalaka sa katawhan sa rehiyon homan sa pinakabag-ong pagpamomba sa Isulan, Sultan Kudarat.
Matud ni PNP-10 Spokesperson Police Major Joan Navarro nga wala’y nadawat nga bahad sa seguridad sa rehiyon, apan tanan nga mga impormasyon nga ilang kagadawat, gipaubos sa beripikasyon.
Subay niini, gimandoan ang mga lower units sa pagpataas sa ilang alerto ug hugtan ang pagbantay sa mga public areas labi na sa terminals, pantalan ug airports.
Gipakusgan sab sa kapolisan ang pre-emptive measures ug ang pagpahibalo sa katawhan kung unsa’y angay buhaton panahon nga dunay mamatikdan nga kadudahang tawo o mga butang.
Kahibaloan nga nahitabo ang pagbusikad sa Isulan Integrated Public Terminal nga anaa sa National Highway sa Barangay Kalawag 2,, Isulan Sultan Kudarat diin sakay ang mga biktima sa de pasaherong husky bus nga gikan sa Cotabato City ug paingon sa General Santos City. -END-