KALIBO, AKLAN—Nag-abot kahapon sa probinsya it Aklan do napueong kahon nga may sueod nga kadugangan nga bakuna nga Sinovac maghalin sa Manila.
Do pag-abot it nasambit nga 13,800 vials COVID-19 vaccine hay ginsueang it inter-agency task force sa Kalibo International Airport nga ginaeakipan it Aklan Provincial DOH Office, PHO, PNP, PDRRMO, CAAP ag MHO Malay.
Samtang, do pitong kahon nga may sueod nga 10,000 vials hay insigida man nga ginpadaea sa banwa it Malay para sa nagapadayon nga vaccination roll out para sa mga tourism workers sa isla ag do nabilin nga tatlong kahon hay gindaea sa cold storage facility it provincial hospital para sa inventory. // SHERRY ANNE REUNIR-VIDAL