Kagawad Demdam nanawagan sa mga sexually active nga magpa-HIV test

PADAYUN ang pag-awhag sa mga health authorities sa mga adunay risky sexual behavior nga magpa-test batok HIV-AIDS.

Kini ang gipanawagan ni  Kagawad John Demdam human nga midungan sa pagtaas ang kaso sa HIV-AIDS sa kaso usab sa COVID-19.

Sa GenSan segun ni Demdam anaa sa 25 hangtud 39 years old ang pinakadaghan nga nagpositibo sa HIV apan anaa usab ang 20 year old bracket nga aktibo usab sa sex mao nga tanang kabatan-unan nga sexually active angayang magpa-HIV test.

Anaa HIV hub sa City Health Office sa GenSan nga mahimong adtoan aron masayran kung positibo sa maong virus nga hinungdan sa AIDS.

Bisan ang mga ginikanan ang gina-awhag usab nga motabang sa pagtudlo sa ilang anak kalabot sa risgo sa HIV, human usab unang nanawagan si Dr. Lalaine Lastimoso sa tabang sa mga kabataan sa pakigbatok sa maong sakit.

Aduna usay mga proteksyon nga mahimong gamiton aron mapugngan ang sakit nga available usab sa City Health Office.

Leave a Reply

Your email address will not be published. Required fields are marked *