NAGPASIDAAN si Kagawad Atty. Franklin Gacal Jr. nga mupasaka og kaso batok kang Dr.Bong Dacera ang labaw sa City Disaster Risk Reduction and Management Office sa LGU-GenSan kung dili makahatag og katin-awan asa nahiadto ug unsa gigamitan sa Quick Response Fund nga gigamit alang sa COVID-19 response.
Segun ni Gacal adunay 35 million pesos nga quick response fund nga ginapangitaan karon og dokumento sa konsehal kung unsa ang gigamitan.
Ingon man nangita usab si Gacal sa kapin 85 million pesos nga alang calamity preparedness and mitigation kung anaa pa kini.
Una nang giangkon ni Dacea nga nahurot na ang 30 percent sa Quick Response Fund sa LGU nga segun kang Gacal nga hinungdan nganong walay natabang ang syudad sa mga nasunugan sa purok Saeg, Brgy.Calumpang.
Sa pikas bahin gihulat usab sa konsehal ang tubag gikan ni City Budget Officer John Philip Quimosing kalabot sa pondo nga alang sa relocation site luyo nga gibutyag nga kini ang nagamit na sa ubang katuyuan.