DILI na mag-resign isip konsehal si Kagawad Atty.Dominador Lagare Jr. aron magsilbing city administrator sa incoming mayor sa GenSan nga si Lorelie Pacquiao.
Tungod dili siya modayun, si third termer Kagawad Shandee Llido Pestaño na matud pa ang maoy mahimong city administrator.
Sa nasayran usab niini human mi-retire na si Leah Tolimao isip HR head, si Pestaño ang temperaryong mulingkod usab sa maong posisyon.
Gidugang ni Lagare, si Genalyun Vidanes ang ipabilin isip labaw sa CSWD, samtang dili kini sigurado kung kinsa ang mahimong labaw sa City Planning kung moretiro si Engr.Nael Cruzpero.
Lakip usab moretiro ang labaw sa City Housing nga si Mary Ann Tan, ug may sogyot usab nga si Dr.Ryan Aplicador ang magsilbing hospital administrator.
Sa City Engineers Office, ok daw ang performance ni Engr. Emerald Signar ingon man sa City Agriculture nga si Merlinda Donasco.
Sa City Sports Division, sigurado si Lagare nga maalisdan si Lady Manalo isip labaw, ug walay nasayran kung may kausaban sa Office of the Building Officials o OBO.
Sa General Services Office, gituohan ni Lagare nga mapulihan si Engr.Gina Pigar ug dili sigurado kung magpabiling department head sa CENRO si Allan Marcilla.
Sa Waste Management Office, ipaglaban matud pa ni Lagare ang labaw nga si Nonoy Pareja aron magpabilin sa posisyon niini.
Sa City Veterinary Office, dili sigurado kinsa kung ang assistant department head nga si Dr. Gargaran tungod sa optional retirement ni Dr. Ephraim Marin.