Patay ang barangay kagawad matapos ini ang gintiro sang mga suspitsado alas 6:00 sini gid lamang nga gab-i, Disyembre 11 samtang nagapungko sa sagwa sang ila puluy-an.
Ang biktima ang ginkilala sa kay Rhoule Jay Martir, 38 anyos kasado residente sang BLK 37, Lot5, Lumina Subd, Brgy Vista Alegre syudad sang Bacolod kag Barangay Kagawad sang Brgy.14.
Sa inisyal nga pagpangusisa sang kapulisan, nagapungko ang biktima kaupod ang iya asawa sang ginpalapitan sang mga suspitsado kag ginluthang sang makalima ka beses gintunaan sang iya gilayon nga kamatayon.
Suno sa kay Capt. Elmer Bonilla hepe sang Bacolod Police Station 7, may awto nga nagsulod sa subdivison kag nagdulog malapit sa puluy-an sang kagawad kag tatlo sa sakay ang nanaog kag nagtiro sa biktima.
Gilayon man nagpalagyo ang tatlo ka mga suspitsdo pati na ang driver sang awto kag padayon sa karon ang pursuit operation kag imbestigasyon sang kapulisan.
Dugang pa ni Bonilla, ila pa sa karon gina-usisa kun ano ang motibo sa pagpaniro.
Via| Kirby Federez