Kahalitan sa agrikultura ag pagpangisda sa Iloilo tuga it bagyong Paeng, nagaabot eon sa P500 million

Nagaabot eon sa haeos tunga sa bilyong piso ro naging kahalitan sa agrikultura ag pagpangisda sa probinsya it Iloilo bangud sa bagyong Paeng.

Base sa Iloilo provincial government, ro haega it kasamaran sa nasambit nga mga sektor hay kapin sa P419,599,694.48 as of November 2.

Kabilugan nga 3.1 hectares it taeamnan it mais ro eubusan nga nahalitan samtang 214.97 hectares ro partially damaged, nga nakaapekto sa 225 nga mangunguma halin sa 16 ka mga kabanwahunan.  

Sinamad man ni Paeng ro 1.34 nga ektarya it mga high-value crops, nga nakaapekto sa 1,697 nga mangunguma halin sa 11 ka banwa.

Samtang, kapin sa 766 nga livestock ag poultry farmers halin sa 11 ka mga banwa ro naapektuhan it bagyo.

Sa fisheries sector, 540 nga fishing boats, 430 fishing gears, 391 fish ponds, 290 seaweed farms, ag 185 shellfish farms ro nahalitan nga nakaapekto sa 1,836 nga mangingisda halin sa 23 ka banwa.

Ginaeauman pa ni Provincial Agriculturist Dr. Ildefonso Toledo nga madugangan pa ro naging kahalitan bangud may pila pa ka banwa ro owa pa segun naka-submit it andang reports.

Ro bilog nga Western Visayas region, kaeakip ro Iloilo, hay presenting sa idaeum it  state of calamity bangud sa bagyong Paeng. / ANN DESLENE SALAZAR

Leave a Reply

Your email address will not be published. Required fields are marked *