Madaling nakapasok ang Tokyo-bound na si Eumir Marcial sa semifinals ng ASBC Asian Men’s and Women’s Boxing Championships sa Dubai matapos ang pag-atras ng makakalaban sana nitong Mongolian na si Otgonbaatar Byamba-Erdene dahil sa injury nito sa balikat.
Napinsala ang balikat ni Byamba-Erdene, na tulad ni Marcial ay isa rin professional boxer, matapos ang pagkakapanalo nito sa preliminary round laban sa Iraqi na si Ridha Talib Jabbar sa middlweight class.
Agad naman na papasok ang silver medalist at Southeast Asian Games gold medal winner sa semis kung saan ay makakalaban niya si Uzbek Jafarov Saidjamshid, na nanalo ng 5-0 laban kay Ourbek Bekzhigit Uulu ng Kyrgzstan.
Dahil diyan ay sigurado na ang bronze medal para kay Marcial kasama ang tatlong iba pang Pilipino na sina Mark Lester Durens sa flyweight, Junmilardo Ogayre sa bantam, at dating world at light fly women’s champion Jose Gabuco.