Mas nga ginpabaskug it Kalibo Municipal Police Station ro andang pag monitor ag police visibility ag pagpatrolya sa 16 ka barangay sa banwa it Kalibo.
Raya hay para masiguro ro salbar ag matawhay nga pagpatigayun it Barangay and Sangguniang Kabataan Election (BSKE) 2023.
Naghimo man ro Kalibo MPS it mga proactive measures para malikawan ro anumang abang sa pagpatigayun it salbar nga palibot para sa mga botante ag kandidato.
Umapela man ro Kalibo MPS sa mga residente it Kalibo nga makipagbueoligan ag suportahan ro andang pagtinguha sa pagpabilin it katawhayan ag kaayusan sa bilog nga proseso it eleksyon ag gin engganyo ro publiko nga ireport ro anumang kaduda-duda nga aktibidad o indibidwal nga mahimo magtuga it peligro sa pagpatigayun it sangka patas ag matawhay nga eleksyon. // ANN DESLENE SALAZAR