Kaluha sa naangin sa pagpamusil, grabe ang trauma segun sa iyang inahan

GRABENG trauma ang nasinatian sa kambal nga nabilin human sa insidente sa pagpamusil asa naangin ang kaluha niini.

Kini ang gibutyag ni Jennifer Dupio, inahan sa 4-anyos nga batang babaye nga namatay sa pagpamusil, Pebero 17.

Asoy pa niini, nga adunay higayun nga magkurog ang anak samtang natulog ug dili na mauban kaniya kung molakaw kini ug mahadlok na mosakay sa trisikel.

Kahibaluan nga ang driver sa trisikel ang puntirya sa pagpamusil ug naangin ang 4-anyos nga bata.

Dugang sa inahan nga kinahanglang mapailalom sa intervention ang anak tungod sa grabeng trauma niini.

Mopasaka na usab sila og kaso batok sa suspek nga matud sa inisyal nga report kaniya sa kapulisan natumbok na ug redo o away pamilya ang hinungdan.

Panawagan niini sa suspek nga musurender na ug atubangon ang krimen nga nahimo.

Hangyo usab ni Dupio sa kapulisan dili undangan ang kaso aron mahatag kanila ang hustisya.