Aprubado na sa ikalawang pagbasa ng Kamara ang House Bill No. 7352 o ‘Accompanying Bill’ ng Resolution of Both Houses No. 6 na nagpapatawag ng Constitutional Convention para sa pag-amyenda sa 1987 Constitution.
Ang House Bill 7352 o ang con-con bill, na siyang implementing bill ng Resolution of Both Houses 6 na nananawagan para sa con-con para amyendahan ang 1987 Constitution, ay nagbibigay din sa mga delegado ng P10,000 kada araw ng attendance compensation sa panahon ng con-con proceedings.
Nakasaad din sa con-con bill na ang con-con delegation ay bubuuin ng humigit-kumulang 316 members kung saan 80% sa kanila ay ihahalal mula sa mga Congressional districts habang 20% ay hihirangin ng Pangulo.
Ang term of office ng con-con delegates ay tatakbo mula December 1 ngayong taon hanggang June 30, 2024.//CA