Kamara, OK sa bill nagdedeklara kada Aug 30 bilang ‘National Press Freedom Day’

Aprubado na ng House of Representatives ang panukala na magdedeklara sa kada August 30 ng bawat taon bilang “National Press Freedom Day.”

Sa 203 affirmative votes, inaprubahan ng Mababang Kapulungan ang House Bill No. 9182 bilang pagkilala sa kapanganakan ni Marcelo H. del Pilar, ang ama ng Philippine journalism.

Nakasaad sa panukala na para matiyak ang makabuluhang pag-obserba at selebrasyon ng National Press Freedom Day, ang lahat ng ahensya ng gobyerno at instrumentalities, ang Armed Forces of the Philippines, Philippine National Police, government-owned and controlled corporations, local government units, maging ang mga private sector ay dapat bigyan ng sapat na panahon at pagkakataon ang kanilang mga empleyado na makiisa sa anumang related activity na isasagawa sa loob ng kanilang opisina o establishemento.

Maliban dito, inaatasan rin ang Department of Education, Commission on Higher Education, at ang Technical Education and Skills Development Authority in consultation sa Office of the President, gobyerno at private media organizations na pangunahan ang public at private schools sa lahat ng lebel na mag-organisa ng consciousness-raising activities kaugnay sa kahalagahan ng press, kanilang karapatan at social responsibilities, at ang pagtanggal sa lahat ng uri ng karahahan laban sa press. // MHEL PACIA