Kamara, OK sa final reading ang ‘Permanent Validity of the Certificates of Live Birth, Death, and Marriage Act’

Inaprubahan na ng House of Representatives sa final reading ang panukala na nagbibigay ng permanent validity sa mga certificates of live birth, death, at marriage na ibinigay at senertipikahan ng Philippine Statistics Authority (PSA) at National Statistics Office (NSO).

Sa 199 affirmative votes, zero negative, at walang abstention, inaprubahan ng Kamara ang House Bill No. 9175 o ang “Permanent Validity of the Certificates of Live Birth, Death, and Marriage Act.”

Sa ilalim ng panukala, ang certificates of live birth, death, at marriage na ibinigay, nilagdaan, senertipikahan o authenticated ng PSA at ng kanilang predecessor na NSPO, at local civil registries ay kailangang magkaroon ng permanent validity anuman ang date of issuance at kailangang kilalanin at tanggapin sa lahat ng government o private transactions o services.

Nakasaad dito na ang naturang dokumento ay kailangang intact, readable, at malinaw na naglalaman ng authenticity at security features.

Para naman sa certificate of marriage, ang permanent validity ay applicable lang kung ang kasal ay hindi pa napapawalang bisa.// MHEL PACIA

Leave a Reply

Your email address will not be published. Required fields are marked *