Target ngayon ng House of Representatives na maaprubahan sa ikatlo at huling pagbasa ang House Bill 6398 o ang Maharlika Wealth Fund (MWF).
Ayon kay House Committee on Ways and Means Chairman at Albay Rep. Joey Salceda , alinsunod sa kalendaryo ng unang regular session ng 19th Congress, ito ay nakatakdang mag-adjourn para sa holidays sa December 17, 2022 hanggang January 22, 2023 at magpapatuloy sa January 23, 2023.
Sinabi pa ni Salceda , kinausap niya na ang Committee on Banks na magpaliwanag sa mga pensioners , members at depositors ng Landbank kung ano ang magiging sitwasyon o estado ng kanilang pera kung sakali mailipat ito sa Maharlika Wealth Fund.
Inilarawan ni Salceda ang MWF bilang nag-iisang pinakamalaking hakbang sa ekonomiya ng pangulo.
Si Speaker Martin Romualdez, presidential son Ilocos Norte Rep. Sandro Marcos, at apat na iba pang mambabatas ang nag-akda at naghain ng panukalang batas noong November 28.