MIAPELA ang Philippine Drug Enforcement Agency (PDEA) sa Soccsksargen sa publiko nga gilayong ipahibalo sa mga otoridad kung dunay masayran nga namaligya og gidiling droga online gamit ang social media o facebook.
Human giangkon sa sa opisyal nga base sa pamahayag sa mga dinakpan, gamit sa mga drug dealer ang online platform sa pagbaligya. Gamit ang pipila ka app- based delivery services aron madeliber ang gidiling droga.
Apan nagpabiling, ang βkaliwaanβ scheme sa pagbaligya niini ug sagad sa mga barato nga motels o inns i-deliber ang gidiling droga. Matud ni Kath Abad, tigpamaba sa PDEA-12 hugot ang ilang pakig-alayon sa mga local government units (LGU), kapulisan ug uban pang law enforcement agencies kalabut sa iligal nga aktibidad.
Dugang ni Abad, dako og tabang ang mga ahensiya sa gobyerno ug stakeholders sa pagpakonhud sa iligal nga droga sa rehiyon. Gipasalig usab sa ahensiya sa publiko nga padayon sila sa pagpakusog sa enforcement ug intelligence monitoring batok illegal drugs activity. I Richel Gubalani