Ilalapit na raw ng kampo ni Bamban, Tarlac Mayor Alice Guo ang apela nilang i-lift na ang six-month preventive suspension sa alkalde sa Court of Appeals.
Ito ay matapos ibasura ng Office of the Ombudsman (OMB) ang bid ng mga ito kaugnay ang naturang suspensyon.
Ayon kay Atty. Stephen David, legal counsel ni Guo, bagaman iginagalang nila ang desisyon ng Ombudsman, iaakyat na nila ang kanilang appeal sa CA para mapag-aralan nang mabuti kung tama ba ang naturang desisyon ng OMB.
Matatandaang sinuspinde ng Ombudsman ang alkalde at ang 2 iba pang mga lokal na opisyal sa gitna ng imbestigasyon sa umano’y koneksyon ni Guo sa ni-raid na POGO hub sa kanyang bayan.