Pasado na sa ika-tulo ug pinal nga pagbasa sa 19th Davao City Council ang ordinansa nga mohatag og katumanan sa pagatukurong Davao City Hospital.
Base sa naaprubahang balaud, itukod ang ospital sa 3.28 ektaryang luna sulod sa University of the Philippines Mindanao Campus sa Bago Oshiro Tugok District.
Usa kini ka tertiary government operated healthcare facility nga dunay 100 bed capacity nga gipondohan og P100million ubos sa City Planning and Development Office. Ang katukuran sa ospital dakong tabang sa mga Dabawenyos gikan sa lagyong mga distrito nga makaacess sa serbisyong panglawas ug makatabang usab kini sa Southern Philippines Medical Center nga kanunay dagsaon og pasyente gikan sa nagkdaiyang bahin sa Mindanao.