‘KaPEACEtahan’ peace fair sa Albay, piglunsar sa Bicol University

Pormal nang piglunsar kasuudma sa Bicol University an KaPEACEtahan Peace Fair sa probinsya kan Albay.

Pinangenotan ini ni Office of the Presidential Adviser on Peace, Reconciliation and Unity (OPAPRU) Sec. Carlito G. Galvez, Jr.

Mensahe ni Galvez na magkasararo na an mga Bicolano orog na an mga nag-aaradal, an academe asin an mga lokal na gobyerno tanganing mamantenir an katoninongan asin kuaswagan kan rehiyon.

Dugang pa kaini, ikinaoogma niya su boot an maidara ninda an selebrasyon sa pagrumdom kan National Peace Consciousness Month ngunyan na bulan nin Septyembre.

Parte su boot kan mainstreaming sa peace education an pagbubugtak nin Peace, Unity and Development Center sa mga colleges, kasabay sa nasambit na institusyon.

Ikinaoogma pa kaini na an unibersidad an nag-organisar kan aktibidad kun saen nailing kaini na an BU, saro sa magigin tulay sa mainstreaming kan peace education.

Leave a Reply

Your email address will not be published. Required fields are marked *