Naging madinaeag-on ru kapiestahan ni San Juan de Bautista sa banwa’t Kalibo kahapon, June 24.
Sentro sa kahiwatan ru Bangkaton o karera it Bangka nga gin himo sa Brgy. Mabilo ag Caano sa Kalibo nga gin intrahan it mas o minus 10 ka mga partisipantes.
Maliban sa tatlong gabi-e nga food fest o gin tawag nga Kalye Kulinarya, abong pahampang ru gin himo sa Kalibo Pastrana Park, Kalibo.
Raya hay Daeakpan it pato, Daeakpan it urok, Tug of war, Sack race, Hakwaton ag Pukpok Palayok nga gin atendiran it mga pumueoyo.
Samtang, naging mahigpit man ru monitoring it mga kapulisan sa sentro it Kalibo ag sa mga lugar nga gina hiwatanit mga aktibidad sa koneksyon it kapiestahan ni San Juan de Bautista.//MARIVIC Y. ILIN