Kapin sa usa ka gatos ka mga indibidwal ang na-stranded ug mipahiluna kagabie sa Barangay San Roque Gym sa dakbayan sa Sugbo gumikan sa suspension sa ilang biyahe tungod sa bagyong Dante.
Matud sa Cebu City Social Welfare and Services nga 117 ka mga travelers ang paingon sa Bohol, Hilongos sa Leyte, Camotes Island, Iloilo, Surigao, Cagayan de Oro ug Manila.
Nasayran nga nagpabiling anaa sa Signal number 1 ang pipila ka bahin sa Sugbo sama sa Pinamungahan, Toledo City, Balamban, Asturias, Tuburan, Tabuelan, Medellin, San Remigio, Daanbantayan lakip ang Bantayan Islands basi sa TROPICAL CYCLONE BULLETIN NO. 18 nga gipagawas sa Pagasa alas 8 kaganihang buntag.
Samtang nakasinati ug ginagmay nga landslide ang pipila ka bahin sa Sugbo partikular na sa Talisay City ug aduna usab natalang mga pagbaha kagabie partikular na sa mga highways sa dakbayan sa Sugbo ug Mandaue.