Malampuson nga naka-angkon ug bakuna ang mga senior citizens sa may
Brgy. San Mariano lungsod sa Loreto uban sa ilang Punong Barangay nga si Hon. Joseph T. Casal, kini human nga gihingusgan sa Inahan sa lungsod
alang sa “Resbakuna Kasangga ng Bida” campaign.
Sa pagpaninguha sa Lokal nga Panggamhanan nga mapakusgan ang maong kampanya, 100 ka mga senior citizens ang nakadawat sa bakuna lakip niini ang mga persons with comorbidities kini aron nga ma-proteksyonan ang ilang kalawasan sa makamatyang balatian.
Gibutyag usab sa inahan sa lungsod nga ang pagpabakuna mao ang solusyon sa naga padayong pandemya ug ang tanang katawhan nga bakunado, siguradong protektado labi na sa bag-ong variant nga mao ang Delta.