Kapin 100,000 doses ka Pfizer vaccine ang miabot sa Davao City kagahapong sa buntag nga kabahin sa 210,000 doses nga donasyon sa Estados Unidos.
Atol sa pag-abot gihimo ang simpleng turnover ceremony nga gisalmotan nilang Department of Health (DOH) Undersecretary Dr. Abdullah Dumama Jr., DOH Davao Regional Director Dr. Annabelle Yumang, ug Christopher Farlow sa US Embassy.
Sigon kang Farlow, nga dili kini ang una ug ulahing donasyon sa Amerika sa Pilipinas sanglit sa musunod nga semana moabot pa ang 110,000 ka doses sa susamang bakuna.
Gipasalamatan sab ni Usec Dumama ang nahisgutang nasud nga niabaga sa nasud alang sa paspas nga vaccination rollout.
Tungod niini, mas gidasig pa sa opisyal ang katawhan sa dakbayan nga magpabakuna gumikan sa daghang suplay sa bakuna kontra COVID-19. BNFM-DAVAO
