KAPIN 30 na ka trike sa Gensan Drivers and Operators Group ang gi- imbargo sa kompanya gumikan dili na makabayad sa inadalaw nga bayaron.
Sa kumpermasyon sa chairman sa grupong Gensan Dog nga si Rex Carenio kapin sa 30 na ka unit ang gikuha sa kompanya nga ilang giutangan sa usa ka gatus ka unit apan nagapasalamat usab sila sa gitanyag nga pabor sa kompanya gumikan sa pandemya.
Gipaklaro ni Carenio nga P160,000 pesos ang presyo sa trike unya kon inadlaw anaa sa P250 pesos ang apason samtang P7,100 pesos ang binulan,usa ka gatus na ka unit ang naga pamasada sa syudad.
Nagapasalamat nalang daw sila kay dunay nahitabong reconstruction sa record ug nabalik sa mga operator ang ilang unit apan back to zero ang ilang utang ug mobayad sila sa tulo ka tuig inay nga lima ka tuig sa unang kasabutan.
Padayon ang ilang pamasada sa syudad apan naga sunod sila sa health protocol, gikaluy-an usab nga wala pa silay kaso sa COVID-19 sa tanang driver.Kahibaluan nga ang Gensan Dog Transport Group nagalaum usab og prangkisa gikan sa Local Government Unit sa GenSan kon moabot na sila sa 200 ka mga unit nga nagapamasada.Kahibaluan nga ang E-Trike anaa sa P200,000 pesos ang makina ug adunay tulo ka ligid apan mas daku kaysa sa naandan nga tricycle.