Kapin 4,000 ka pulis, mobantay sa Central Visayas karong Semana Santa

Gipakatap na sa Police Regional Office-7 ang kapin sa 4,000 ka mga police sa tibuok Central Visayas nga maoy mo bantay sa panahon sa Semana Santa.

Nihatag ug kamanduan si Police Brigadier General Anthony Aberin ang pangu sa PRO-7 atol sa send off ceremony sa Cebu City Police Office sa tanang kapulisan nga mamahimong alerto sa pagbantay sa mga dapit nga magtapok ang mga tawo aron mosalmot sa relihiyosong kalihukan.

Karung semanaha muhimo usab ug inspeksiyon si Aberin sa mga lugar sama sa pantalan, bus terminals ug uban pang religious sites.

Giklaro usab sa opisyal nga tumong ug tuyo sa pagpabaha og police personnel mao ang pagpugong sa krimen ug mahimong luwas ang mga tawo.

Gi-awhag usab ni Aberin ang publiko nga magbantay sa ilang palibot ug moreport dayon sa kapulisan kung adunay mga kakulian aron mahatagan dayon ug daling pagtagad.//