Mikabat na sa 2,767 ka indibidwal ang nadakpan nga misupak sa Anti-Smoking Ordinance ug 24-hour liquor ban implementation sa unang kwarter karong tuiga.
Sa datus nga gipagawas ni Vices Regulation Unit (VRU) Action Officer Hernando Las, anaa sa 2,641 ang misupak sa Anti-Smoking Ordinance kung diin 2,482 nini ang naka-comply sa smoking cessation counseling samtan 159 ang nahikay nga kaso.
Samtang sa Liquor Ban, 121 ang nasikop nga nag-inom sa pampublikong lugar ug nagtapok tapok kung diin 58 niini ang nakamulta og P3,000 ug 63 na ang nahikay nga kaso pinaagi sa regular filing.
Moabot na sab ka lima ka establiayemento ang girekomendang ipasirado human nasakpang namaligya og ilimnong makahubog subay sa “one-strike rule” nga giimposar pinaagi sa Executive Order nga giisyu ni City Mayor Inday Sara Duterte. Tungod niini nakakolekta ang City LGU og P2,496,072 nga multa gikan sa anti-smoking law ug dugang P189,600 sa 24-hour liquor ban.
