Gidayeg ug gipasalamatan ang Davao City Police Office, ubos sa liderato ni City Director PCol. Alberto P. Lupaz, ug ang mga PNP personnel sa walay paglubad nga dedikasyon ug malampusong pagpatuman sa all-out operation batok sa “bora-bora” ug uban pang nuisance nga motorsiklo gikan sa Agosto 6 – 12, 2023.
Sa tibuok operasyon, nakapahigayon ang kapulisan og 405 interventions batok “BORA-BORA” drivers, nga miresulta sa pag-isyu og CTC/TOP ngadto sa 59 ka mga indibidwal.
Duna say 4 ka mga motorsiklo ang na- impound, ug dunay natigom nga multa nga Php 22,000.00 alang sa CTC Citation Tickets, uban sa Php 55,000.00 alang sa TOP violations.
Samtang, ang team nakahimo og 187 ka operasyon nga dunay kalabutan sa RA 4136 kon Land Transportation and Traffic Code, nga miresulta sa pag-isyu sa 229 Temporary Operator’s Permits (TOP) ug usa ka outstanding fine collection nga Php 449,731.00.
Nagpatuman sab ang kapulisan og 631 ka operasyon ubos sa C.O 0334-12 kon Local Traffic Code, naka-isyu og 2,726 ka Citation Tickets ug nakakolekta og multa nga nagkantidad og Php 1,265,400.00.
Gumikan sa hiniusang pagpaningkamot sa kapulisan, kinatibuk-ang Php 1,792,131.00 ang nakolekta gikan sa tanang nakalapas sa balaud ug ordinansa sa syudad sa Davao.