Dakop sa akto sang mga otoridad ang 9 ka indibidwal nga nagapatigayon sang iligal nga pagpangisda sa banwa sang Pilar
Ginkilala ang mga nagkaladakpan nga sanday Wennie Patricio Basea, 44-anyos (boat captain) kaupod sang 8 sini ka crew nga sila Litoy Mahinay, 43-anyos; ย Rommel Labrador, 29-anyos; Rey Gonzalodo, 23-anyos; Ricky Villamor Abener, 47-anyos; Rodel Biro, 40-anyos; Gilgon Labrador,30-anyos; Alex Gonzalodo, 45-anyos; kag Genesis Rico Francisco,ย 34-anyos lunsay mga residente sang Estancia, Iloilo.
Narekober sa paghinakop sang mga arestado ang 2 set sang fishing net, 2 rols sang towing rope, 1 set sang board, 50 ka tubs sang nagkalain-lain nga isda nga ginabulobanta nagabalor sang mas o menus Php 250,000.00; kag isa ka commercial fishing vessel nga nagalab-ot sang P700,000.
Natigayon ang mga ini nga madakpan samtang nagapatigayon sang seaborne patrol ang Provincial Bantay Dagat, Pilar PNP, kag CAPENRO kun sa diin magapangatubang sang kaso nga paglapas sang RA 10654 ukon ang “The Philippine Fisheries Code of 1998”.
Sa karon, ang mga nakumpiskar nga mga kagamitan ang nagapabilin sa kostudiya sang Provincial Bantay Dagat para sa nagakaigo nga disposisyon. | KMD Gicalde