Kabilugan nga 116 nga LGUs sa Western Visayas ro nagsuspendi it klase sa 3,848 nga pampublikong eskwelahan ku Agosto 29, 2023 nga una kuntang adlaw para sa school year 2023-2024.
Raya hay bangud sa kaeain it panahon nga tuga it “habagat” o southwest monsoon, nga mas ginpabaskug it bagyong Goring.
Suno kay Department of Education Western Visayas information officer Hernani Esculllar Jr., sinunod eamang nanda ro mandato halin sa mga local chief executive ag local government units, para masiguro ro safety it mga estudyante.
Sa mga apektadong eskwelahan, kaabuan kara hay naghalin sa syudad ag probinsya it Iloilo, kung siin, kapin sa 1,238 nga eskwelahan ro owa nakapatigayun it pag klase.
Sakop man it suspension ro 370 nga eskwelahan sa Aklan, 535 nga eskwelahan sa Antique, 446 sa Capiz, 114 sa Guimaras, 70 sa Bacolod City, ag 1,075 sa Negros Occidental, base sa datus nga gintao it DepEd regional office. // ANN DESLENE SALAZAR