Kapin sa P2.7-milyon nga balor it paeay sa Antique, nasamad bangud sa grabe nga pag- uean

Base kay Office of the Provincial Agriculture (OPA) natural calamity focal person, Serafin Yanga ro mga banwa it Tobias Fornier, Valderrama, San Remigio, Hamtic, Laua-an, Patnongon, Sebaste, ag Tibiao hay nakapagrekord it matindi nga pinsala sa andang mga pananum bangud sa grabe nga pag-uean sa Antique.

Ginhambae ni Provincial Seed Coordinator Arlene Delos Reyes nga naga-obra eun sanda it mga pamaagi agud mabuligan ro 201 nga mga apektado nga mangunguma.

Sa kamatuuran, may nakataeana nga mga binhi it paeay nga ita-o sa Tobias Fornier (50 bags), Hamtic, (40 bags) ag San Remigio (100 bags).

Samantala ro Department of Agriculture (DA) Region 6 hay may 600 sako nga binhi it paeay nga pwede gamiton agud makaumpisa uman ro mga mangunguma nga apektado.

Ginhambae man ni Yanga nga may ginaasahan pa gid sanda nga 600 sako nga binhi it paeay halin sa DA-6./JIL B. LACSON

Leave a Reply

Your email address will not be published. Required fields are marked *