Kapin sa P21 Million nga balor sa drugas gisunog sa Cebu

Gipahigayon na usab kaganinang buntag May 31, 2021 ang laing hugna sa pagsunog sa mga drugas nga nasakmit sa Philippine Drug Enforcement Agency (PDEA-7) ug kapolisan sa Central Visayas sa ilang mga gihimong anti-drug operations.

Ang mga drugas nga mokantidad sa dili mominos P21.5 million gisunog sa Cosmopolitan Funeral Homes sa Junquera Street, dakbayan sa Sugbo human nga ang korte ni aprobar sa pagsunog na sa maong mga drugas isip mga ebedensya sa nagkadaiyang anti illegal drug operation.

Nasayran nga mao na kini ang ika tulong hugna sa pag sunog sa mga marijuana ug shabu nga gilangkuban sa kapin sa tulo ka kilo nga shabu ug 180.966 gramos nga Marijuana .

Ang maong mga ebedensya nga drugas nga nasakmit sa nagkadaiyang operasyon na turn over ngadto sa PDEA laboratory gikan sa bulan sa Marso hangtud na sa bulan sa Mayo niining tuiga.///