Kapitan at Tanod sugatan sa pamamaril sa Cotabato City

Kapwa nagtamo ng sugat mula sa 45 caliber pistol at M16 sina Rosary Heights 5 Barangay chairman Amil Sula at ang tanod nitong si Abner Ampuan sa nangyaring pamamaril kagabi sa lungsod.

Ayon kay Police Major Rustom Pastolero, hepe ng City PNP Station # 2, nasa loob ng moske sina Kapitan Sula at Barangay Tanod Ampuan ng lapitan ng dalawang lalake at pinaputukan ng maraming beses.

Matapos ang krimen ay naglakad lamang ang dalawa mula sa second street ng Don E Sero Street patungo sa 1st street kung saan doon nakaantay ang dalawa pang kasamahan ng mga suspek saka tumakas gamit ang motorsiklo.

Sa pagtungo at pag-iimbestiga ng SOCO sa pinangyarihan ng krimen, narekober nila ang labing apat na basyo ng bala mula sa 45 caliber pistol at isang pitong basyo naman mula sa 5.56mm o M16 armalite riffle.

Nagpapatuloy pa ang ginagawang imbestigasyon ng pulisya sa krimen.

Leave a Reply

Your email address will not be published. Required fields are marked *