Kapitan Dupalco, gipabantayan sa mga tanod ang lugar nga sagad tapukanan sa mga batan-on

MAY mga tanod na nga ga-roving sa area kung asa may gikaingong panag riot sa mga batan-on ug bisan hamtong sa Barangay Calumpang.

Kini bisan gibutyag ni Kapitan Ryan Dupalco nga wala silay nadawat nga report kalabot sa panag-riot o bisan ang kapulisan walay na-blotter nga susamang insidente.

Luyo niini, gibutyag sa kapitan ngamay mga tanod na nga gabantay ug ga-monitor sa area sa Calumpang nga may panagtapok sa mga batan-on o bisan mga hamtong.

Sa imbestigasyon matud pa sa iyang mga tanod ug kapulisan, alas 10 sa buntag sa pagpauli sa mga estudyante, sa high school ug elementary nga may panagtapok nga mahitabo ug may panaglabayanay og bato nga apilan sa mga hamtong.

Sa bisan walay klase, Sabado o Dominggo, gibantayan na sa mga tanod ang riverbed sa area asa sagad may panagtapok sa mga batan-on aron mapugngan ang unsa mang insidente.

Awhag usab ni Dupalco sa mga ginikanan nga bantayan ang ilang mga anak aron malikayan nga mag-apil sa mga grupo nga makahimo og kasamok sa lugar.

Leave a Reply

Your email address will not be published. Required fields are marked *