Kapitolyo ng Pampanga, nagpa-abot ng pakikiramay sa pagpanaw ni FVR

Nagpa-abot ng pakikiramay ang kapitolyo ng Pampanga sa pag panaw ni dating Pangulong Fidel V. Ramos.

Sa facebook page ni Governor Delta Pineda, pinasalamatan nito ang dating pangulo sa mga naitulong nito sa mga Kapampangan.

Lalo na anya sa pag dinig nito noon sa daing ng mga Cabalen na isalba ang lalawigan sa maaari pang maidulot na pinsala ng lahar mula sa Mt. Pinatubo.

Dagdag pa ni Gov Delta na ang patunay sa malaking tulong at pagmamahal ng namayapang dating pangulo sa Pampanga ay ang FVR mega dike, na ipinatayo noong panahon ng panunungkulan nito bilang Pangulo.

Maaalalang kahapon, pumanaw si FVR sa edad na 94.

Leave a Reply

Your email address will not be published. Required fields are marked *