Kapulisan giandam na ang kaso batok minor nga mipatay sa manager

GIHULAT na lamang sa kapulisan ang ‘Act of Discernment’ gikan sa CSWD sa menor de edad nga suspek sa pagpatay sa usa ka manager sa dakong plantasyon sa Polomolok, South Cotabato.

Segun kang Police Major Carl Jason Baynosa, hepe sa San Isidro Police Station nga usa ka breakthrough sa krimen ang nahitabo tungod miangkon ang 17-anyos nga lalaki nga siya ang mihimo sa pagpatay sa Christopher Cordova, 44 -anyos, ulitawo nga nakit-ang patay sulod sa iyang kwarto sa Agan Granville, City Heights niadtong Pebrero 5, 2023.

Nanghinaut si Baynosa nga mopabor alang sa hustisya ang rekomendasyon sa CSWD.

Sa pagpangutana sa kapulisan sa suspek nahitabo ang krimen sa balay sa biktima asa didto matud pa siya gipugos nga makighilawas.

Misangko sa panaglalis ug gisipa sa suspek ang biktima ug nahulog kini sa kama dayun gituok gamit ang wire sa electric fan.

Sa karon ginaamdan na sa kapulisan ang kaso batok sa batan-on nga anaa sa sa Bahay Pag-asa sa Barangay Sinawal.