NAKONHURAN og naa usa ka porsyento ang mga natala nga index crime o seryoso ug kasagarang krimen, apan dunay ubang klase ang misaka sama kawat ug pagpanglungkab.
Sa unang tan-awon, magtuo ka nga tag-iya sa tindahan ang naka-itum nga lalaking naa sulod sa tindahan nga dunay gipangeta. Apan ang lalaking nakaitum, ang tumong diay ang makit-an ang arinola nga gibutangan sa halin sa sari-sari store.
Taod taod nadala na niini ang sinsilyo nga naa sa P2,000. Samtang nasikop ang suspek sa kapulisan. Ang maong insidente nga pagpanglungkab o robbery usa sa gitawag nga sa kapulisan nga index crime o mga krimen nga seryoso o kasagarang nahitabo hinungdan nga ginagamit kini nga sukdanan kung mosaka ang mga krimen sa usa ka lugar. Ang mga susamang krimen gikan Agosto 11 hangtud Oktubre 22,2023 ang miubos og usa ka porsyento tandi sa susamang panahon atong 2022 base sa gipresentang datus sa General Santos City Police Office (GSCPO).
Halos miubos ang ihap sa natala sa index crime, gawas na lang sa robbery ug theft nga nakitaan og gagmay nga pagsaka sa ihap. Tungod niini, hugot ang pagbantay sa mga trabahante sa ilang establisihmento bisan paman kini duna nay CCTV camera.
Sa bahin ni Police Major Ivan Charles Abastillas, hepe sa Lagao Police Station, gibutyag niini nga sagad nahitabo ang lungkab sa mga establisimento. Samtang dugang sa kapulisan, dako og tabang ang mga opisyal sa barangay sa pagbantay usab sa seguridad aron malikayan ang krimen sa lugar. ย I Richel Gubalani