CEBU CITY -Pabilin ang taas nga moral sa kapulisan sa Cebu City Police Office(CCPO) bisan pa man sa gipamahayag ni Cebu City Mayor Micheal Rama nga dili iahatag ang ilang monthly allowance kung dili masulbad ang kriminalidad ug vandalism sa siyudad.
Matud ni CCPO director Col. Ireneo Dalogdog nga ang desisyon sa Mayor dili maka-apekto sa ilang trabaho sanglit aduna sila sweldo nga gikan sa national government.
Gipasalig sa CCPO director nga padayon sila nga muhatag ug tinud-anay nga serbisyo bisan aduna o walay incentive nga ihatag ang city government.
Nasayran nga gipa-hold una ang monthly allowance sa kapin 900 ka police personnel sa Cebu City tungod sa pending nga evaluation sa peace and order situation sa siyudad.
Giingong ang matag pulis makadawat ug tag P5,000 nga monthly allowance gikan sa City Government gawas pa sa ihatag nga logistical support sama sa gasolina, patrol vehicles, ug mga armas.//