Humitaas an kaso han Hand, Foot, and Mouth Disease (HFMD) ha sinirangan bisayas ini in basar ha ha pinakaurhi nga situational report ha Regional Epidemiology and Surveillance Unit (RESU).
Basar ha datos han DOH-Eastern Visayas, nakapagtala hin 116 nga kaso han nasabi nga disease tikang dida han Enero 1 ngada ha Pebrero 25, 2023. Mas himitaas ini kumpara ha 22 nga kaso nga naitala ha pareho nga bulan dida han naglabay nga tuig.
Samtang, an probinsiya han Leyte in nakapagtala hin pinakahitaas nga ihap han kaso kun diin kaudgan ha mga natapnan in mga kalalaken-an, mga baby ngan nag-eedad 17 anyos.
Bisan man kaudgan ha mga kaso han HFMD mild, self-limiting, ngan deri nakamamatay, pero puydi ini magin mangadto ha meningitis, encephalitis ngan iba pa nga sakit pananglitan deri maagapan ha pagtambal.