Ginapahaeong it City Health Office (CHO) ro publiko bangud sa pagtaas it kaso it acute gastroenteritis (AGE) sa syudad it Iloilo.
Sa rekord it CHO, nag abot sa 508 ro kaso halin it Enero makarung dag on kaeakip eon kara ro 4 nga namatay.
Kaabuan sa kaso it AGE nga nailista hay halin sa Iloilo Doctors’ College.
Suno kay CHO Assistant Department Head Dr. Roland Jay Fortuna, umabot sa 112 ro gindaea sa ospital nga ginaeakipan it daywa ka resident physicians nga gin-admit samtang 110 ro ‘outpatients.’
Sa iginpatigayun nga imbestigasyon it CHO, kaeakip sa nabatyagan it mga raya hay ro pagsakit it tiyan matapos kumaon halin sa mga ginabaligya nga pagkaun, sa mga karinderya, ag coffee shops sa palibot it eskwelahan. // ANN DESLENE SALAZAR