Kaso ng Delta variant sa region 12, nananatili sa 9

KORONADAL CITY- NANANATILI pa rin sa 9 ang kaso ng Delta variant ng COVID 19 sa region 12. Ito ang inihayag ni Department of Health o DOH 12 Health Education and Promotion Officer Arjohn Gangoso.

Nilinaw din ni Gangoso ang unang naiulat na 11 cases ng Delta variant sa rehiyon.

Ayon sa opisyal na batay sa imbestigasyon at validation na kanilang isinagawa, wala sa region 12 ang dalawang pasyente na infected ng Delta variant.

Aniya, inilagay lamang ng mga ito na permanent address ang rehiyon 12.

Napag-alaman na lahat ng mga probinsya sa Soccsksargen ay may kaso ng Delta variant, ang North Cotabato, South Cotabato, Sultan Kudarat at Saranggani.

Samantala, ipinaliwanag naman ni Gangoso na sa kabila ng naitalang mga kaso ng Delta variant, walang pagbabago sa ipinatutupad na minimum health protocols dahil parehas lang naman umano ang paraan ng transmission ng virus.

Ang Delta variant ay mas nakakahawa kumpara sa original SARS CoV-2.

Leave a Reply

Your email address will not be published. Required fields are marked *