Kaso ng HMFD sa Central Luzon, higit 400 na

Aabot na sa 408 ang bilang ng mga tinatamaan ng hand, foot and mouth disease o HFMD sa Central Luzon, base sa datos ng Department of Health Region 3.

Pinaka maraming kaso nito ay sa lalawigan ng Bulacan na nasa 243, sinundan ng Pampanga na may 39 cases, 33 sa Nueva Ecija, 29 sa Zambales, 27 sa Bataan, 21 sa Tarlac at anim sa Aurora.

Ayon kay Kathleen Rodriguez, Program Coordinator ng Food and Waterborne Disease ng DOH Region 3, karamihan sa tinatamaan ng naturang sakit ay ang mga kabataan na school age at mga limang taong gulang pababa.

Ilan sa mga sintomas nito ay lagnat, sore throat, pagkawala ng ganang kumain, at ang mapupulang butlig o rashes sa paligid ng bibig, talampakan, at palad.

Maaari itong maiwasan sa pamamagitan ng pag huhugas ng kamay, pag disinfect at pag isolate sa may sakit.

Leave a Reply

Your email address will not be published. Required fields are marked *