Kaso ng influenza-like illnesses , tumaas ngayong taon ayon sa DOH

Tumaas ng 45% ang kaso ng influenza-like illnesses sa bansa mula January 1 hanggang December 3 ngayong taon ayon sa Department of Health.

DOH, isinumite na ang rekumendasyon para sa pagpapalawig ng state of calamity declaration

Ayon sa DOH, mayroong kabuuang 114, 278 na kaso ng sakit ang naitala kung saan 29 % o 32,778 kaso ay nasa edad 1 hanggang 4 na taong gulang.

Hinikayat ng health officer-in-charge na si Maria Rosario Vergeire ang publiko na agad na mag isolate kung mayroon nang naramdamang mga sintomas tulad ng lagnat, trangkaso, at ubo.

Binigyang-diin ni Vergeire na mas mabuting maging ligtas dahil ang mga sintomas ay halos kapareho ng COVID-19.//CA