Kaso sa dengue sa GenSan, misaka og 69%

GIPAAKTIBO na karon sa City Health Office ang dengue task force sa GenSan tungod sa pagtaas sa kaso sa dengue sa syudad.

Sa talaan sa CHO, mokabat sa 69 percent itandi sa miaging tuig nga 298 ug usa ang namatay.

Ning tuiga, mokabat sa 503 ang kaso ug unom ang namatay sa dengue, hinungdan padayun ang pag-awhag sa mga barangay nga mohimo sa ilang mga pamaagi batok dengue.

Giangkon usab ni Dr. Oco nga mitaas ang kaso sa dengue sa GenSan tungod sa mga nasinatiang pag-ulan.

Awhag ni Dr. Rochelle Oco, labaw sa CHO ngadto sa katawhan sa GenSan nga dili kalimtan ang 4’oclock habit lakip dinhi ang pagyabo sa mga tubig sa mga flower pot, mga ligid ug mga estero aron walay kaitlogan ang lamok nga gadala sa dengue.

Migawas usab sa record sa CHO nga nag-edad sa 10-anyos pataas ang naigo sa dengue sa GenSan ug nag-una nga may daghang kaso ang Brgy. Fatima sa 101, ikaduha ang Brgy. Calumpang sa 84 ka kaso ug Brgy. San Isidro sa 71 ka dengue cases.

Leave a Reply

Your email address will not be published. Required fields are marked *