Nagresulta matud pa ang gipatuman nga hugot nga awareness campaign sa mga Barangay batok sa sakit nga dengue dinhe sa syudad sa Cagayan de Oro.
Kini homan mikanaug ngadto sa 21 ning bulan sa Septyembre ang natalang kaso sa maong balatian.
Sumala sa report sa Cagayan de Oro City Health Office, misaka ang ihap sa kaso sa maong balatian gikan sa bulan sa Hunyo hangtud Agosto ning tuiga.
Kini kung itandi ang monitoring sa dengue cases niadtong milabayng tuig.
Sumala pa ni Cagayan de Oro City Epidemiologist Dr. Joselito Retuya nga nagtala ang syudad og 218 ka kaso niadtong bulan sa Hunyo ning tuiga, nahimo kining 236 pag abot sa Hulyo ug 132 sa Agosto.
Kung itandi sa milabayng tuig, 42 ang natala sa bulan sa Hunyo, 67 sa Hkulyo ug 62 sa Agosto tuig 2021.
Tungod niini, nagpasalamat si Dr. Retuya sa agresibong barangay level information campaign ug ang mga komunidad nga misanong sab sa panawagan aron malikay sa maong balatian.
Base sa datos, 31 ang pag ubos sa maong kaso ug natala kini homan nareport sa CHO ang muabot 692 nga kaso sa dengue gikan Enero hangtud Hulyo ning tuiga o labaw pa sa doble sa 327 nga dengue cases nga natala sa susamang panahon niatong milabayng tuig. END